Евангелие на цар Йоан (Иван) Александър (цѣсарь Їѡанъ Алеѯандръ) (Лондонско евангелие)

Слававътр(о)ци, славимомѹб҃ѹ · съвръ шаѫщомѹвьсѣконачинаниебл҃го· ꙗжеѡнемьначинаѥмомѹ · ида ѫщомѹ, поначѧлѣиконецъ։ Писасѧсииживоточныиисточникъ новыѫблг(д)ти · прѣсла(д)гоѹченїах(с)ва, итогобж(с)твныхъсамовидецъ, ѹче никже, иап(с)лъ · г҃лемыичетворобл҃го вѣствникъ · невьнѣшнимьтькмо шаромъ · илиꙁлатомъ · иливисомъпрѣ сѹканнымь, иликаменїемьиби сромьѹкрашаѥмь, нѫвьнѧтръни мъбж(с)твнагослова, иꙁлианїемъи таинъствнаго, съмотренїаисплъне ниѥ · ꙗжевьнемьвл(д)чнѣгоибж(с)твна говьчл҃ченїа · ичюдодѣиства · ꙗже съвръшина(с)ради · мл(с)рдїаже, имл(с)ти· дажедокр(с)таипогребенїа · иславнаго тридневнаговьскр҃сенїа · ивьꙁнесе нїа · иктодоволенъпорѧдѹисчьсти илииꙁгл҃атиꙗжевьнемъвьображе ниедѣиствъх(с)вѣхъ · поистинѣꙗкожеи сточникѹꙗвльшѹсѧвьꙁемлибеꙁво днѣи, ижѫждѫиктопиетьѿнего, не вьжѫж(д)етсѧктомѹ · точитьбострѹѫ, инаслаждаѥтьдш҃ѫ · веселитьср(д)це, въ кѹпѣипомышленїа · илиꙗкожескро вищѹсъкръвенѹ, населѣср(д)дечномъ · Сие̏въꙁыскавъѡбрѣте, бл҃говѣрныи, их(с)толюбивыи · прѣвысѡкыи, иб҃говѣ нчанныисамодръжецъꙇѡаньалеѯан(д)рь ц҃ръ · ꙗкожесвѣтилникѹположенѹвъ темнѣмѣстѣ · иꙁабьвенѹивьнераде ниеположенѹдревнимиц҃ри · Егоже бж(с)твнымъжеланиемьиꙁъѡбрѣте съихр(с)толюбивыиц҃рь · і҃ѡ · алеѯандрь · ии ꙁложивъпрѣписа(?)иꙁьЕллиньскы(х)сло весь, вьнашѫсловѣнскѫѧслогнѫ, ивъ ꙗвлениеположи · сегоиꙁьвьнѹꙁла тымидьскамипокова, ивънѧтръ ѧдѹ, животворнымиѡбраꙁывл(д)чны ми, итогославныхъѹченикъ · шары свѣтлымииꙁлатомъ · живописцы, хѫдо жнѣѹкрасивь · наꙋтвръждениесвоемѹ цр(с)твѹ · ꙗкожеивеликыивьст҃хъкѡнста ндиньцр҃ьсьмт҃риѫеленоѫ, иꙁнесъ иꙁбѹкѹꙁемноюживотворивыикръ стъгн҃ь, сицеис̏ъ, сегочетворобл҃говѣстника։ Съдръжѫщѹтогдаскиптраблъгарска го, игръчьскагоцр(с)тва · съблаговѣ рноѫибг҃овѣнчанноѫиновопросвѣ(щ) ноѫцр҃цеѫсвоеѧкираѳео(д)роѫ · тьꙁои метноѫбж҃иѥмѹдарѹ · исьприсны имъипрѣвьꙁлюбленымъсн҃омьсво имъіѡ҃аномъшишманомьцр҃емъ։ вьславѫтворцѹвсѣ(х), итогобл҃говѣсть никѡ(м) · матѳею · маркѹ · лѹцѣ · и іѡ҃анѹ · ихжемолитвами · побѣдѫ дапрїиме(т) ѿба҃, наврагыратѹѫщихъ того · иглавыихъськрꙋш(т)по(д)ноꙃѣсво(и), ами(н)· Лѣтѹтекѫщѹ, ꙅ҃ ѡ҃ ѯ҃д · индікта ѳ҃ ։~ рабжегн҃амоегоцр҃ѣ, писавыисиѫкни гѫ, сїмѫнъмни(х)нарицаетсѧ ։~

Слававътр(о)ци, славимомѹ б҃ѹ · съ връшаѫщомѹ вьсѣконачинание бл҃го · ꙗже ѡнемь начинаѥмомѹ · и даѫщомѹ, поначѧлѣ и конецъ։ Писа сѧ сии животочныи источникъ новыѫблг(д)ти · прѣсла(д)го ѹченїа х(с)ва, и того бж(с)твныхъ самовидецъ, ѹченикже, и ап(с)лъ · г҃лемыи четворобл҃говѣствникъ · невьнѣшнимь тькмо шаромъ · или ꙁлатомъ · или висомъ прѣсѹканнымь, или каменїемь и бисромь ѹкрашаѥмь, нѫвьнѧтрънимъ бж(с)твнаго слова, иꙁлианїемъ и таинъ ствнаго, съмотренїа исплънениѥ · ꙗжевьнемь вл(д)чнѣго и бж(с)твнаго вьчл҃ченїа · и чюдодѣиства · ꙗже съвръши на(с)ради · мл(с)рдїаже, и мл(с)ти · даже до кр(с)та и погребенїа · и славнаго тридневнаго вьскр҃сенїа · и вьꙁнесенїа · икто доволенъ порѧдѹ исчьсти или иꙁгл҃ати ꙗжевьнемъ вьображение дѣиствъх(с)вѣхъ · поистинѣ ꙗкоже источникѹ ꙗвльшѹсѧ вьꙁемли беꙁводнѣи, ижѫждѫ икто пиеть ѿ него, невьжѫж(д)етсѧктомѹ · точить бострѹѫ, и наслаждаѥть дш҃ѫ · веселить ср(д)це, въкѹпѣ и помышленїа · или ꙗкоже скровищѹ съкръвенѹ, населѣср(д)дечномъ · Сиевъꙁыскавъѡбрѣте, бл҃говѣрныи, и х(с)толюбивыи · прѣвысѡкыи, и б҃говѣнчанныи самодръжецъ іѡань алеѯан(д)рь ц҃ръ · ꙗкоже свѣтилникѹ положенѹвъ темнѣ мѣстѣ · и ꙁабьвенѹ и вь нерадение положенѹ древними ц҃ри · Егоже бж(с)твнымъ желаниемь иꙁъ ѡбрѣтесъи хр(с)толюбивыи ц҃рь · і҃ѡ · алеѯандрь · ииꙁложивъ прѣписа(?)иꙁь Еллиньскы(х) словесь, вь нашѫ словѣнскѫѧслогнѫ, и въ ꙗвление положи · сего иꙁьвьнѹꙁлатымидьсками покова, и въ нѧтръѧдѹ, животворными ѡбраꙁы вл(д)чными, и того славныхъ ѹченикъ · шары свѣтлыми и ꙁлатомъ · живописцы, хѫдожнѣѹкрасивь · наꙋтвръждение своемѹ цр(с)твѹ · ꙗкоже и великыивь ст҃хъ кѡнстандинь цр҃ь сь мт҃риѫ еленоѫ, иꙁнесъ иꙁбѹкѹꙁемною животворивыи кръстъ гн҃ь, сицеисъ, сего четворобл҃говѣстника։ Съдръжѫщѹ тогда скиптра блъгарскаго, и гръчьскаго цр(с)тва · съ благовѣрноѫ и бг҃овѣнчанноѫ и новопросвѣ(щ)ноѫ цр҃цеѫ своеѧ кира ѳео(д)роѫ · тьꙁоиметноѫ бж҃иѥмѹ дарѹ · и сьприсныимъ и прѣвьꙁлюбленымъ сн҃омь своимъ іѡ҃аномъ шишманомь цр҃емъ։ вьславѫтворцѹвсѣ(х), и того бл҃говѣстьникѡ(м) · матѳею · маркѹ · лѹцѣ · и іѡ҃анѹ · ихже молитвами · побѣдѫ да прїиме(т) ѿ ба҃, наврагы ратѹѫщихъ того · и главыихъ ськрꙋш(т)и по(д)ноꙃѣ сво(и), ами(н) Лѣтѹ текѫщѹ, ꙅ҃ ѡ҃(т) ѯд҃ · индікта ѳ҃ ჻ рабже гн҃амо его цр҃ѣ, писавыи сиѫ книгѫ, сїмѫнъ мни(х) нарицаетсѧ ჻