Евангелие на цар Йоан (Иван) Александър (цѣсарь Їѡанъ Алеѯандръ) (Лондонско евангелие)

Слава въ трⷪ҇ци, славимомѹ б҃ѹ· съвръшаѫщомѹ вьсѣко начинание бл҃го · ꙗже ѡ немь начинаѥмомѹ · и даѫщомѹ, по начѧлѣ и конецъ ։ Писа сѧ сии животочныи источникъ новыѫ блгⷣти · прѣслаⷣго ѹченїа хвⷭ҇а, и того бжⷭ҇твныхъ самовидецъ, ѹченикже, и аплⷭ҇ъ · гл҃емыи четворобл҃говѣствникъ · не вьнѣшнимь тькмо шаромъ · или ꙁлатомъ · или ви́сомъ прѣсѹканнымь, или каменїемь и би́сромь ѹкрашаѥмь, нѫ вьнѧтрънимъ бжⷭ҇твнаго слова, иꙁлианїемъ и таинъствнаго, съмотренїа исплънениѥ · ꙗже вь немь влⷣчнѣго и бжⷭ҇твнаго вьчл҃ченїа · и чюдодѣиства · ꙗже съвръши наⷭ҇ ради · млⷭ҇рдїаже, и млⷭ҇ти · даже до крⷭ҇та и погребенїа · и славнаго тридневнаго вьскр҃сенїа · и вьꙁнесенїа · и кто доволенъ порѧдѹ исчьсти или иꙁгл҃ати ꙗже вь немъ вь ображение дѣиствъ хвⷭ҇ѣхъ · по и́стинѣ ꙗкоже источникѹ ꙗвльшѹ сѧ вь ꙁемли беꙁводнѣи, и жѫждѫ и кто пиеть ѿ него, не вьжѫжеⷣтсѧ ктомѹ · точить бо стрѹѫ,и наслаждаѥть дш҃ѫ · веселить срⷣце, въ кѹпѣ и помышленїа · или ꙗкоже скровищѹ съ кръвенѹ, населѣсрⷣдечномъ · Си̏е въꙁыскавъ ѡбрѣте, бл҃говѣрныи, и хⷭ҇толюбивыи · прѣвысѡкыи, и б҃говѣнчанныи самодръжецъ ꙇѡ҃а́нь але́ѯанрⷣ҇ь ц҃ръ · ꙗкоже свѣтилникѹ положенѹ въ темнѣ мѣстѣ · и ꙁабьвенѹ и вь нерадение положенѹ древними цр҃и · Е҆гоже бжтⷭ҇внымь желаниемь иꙁъѡбрѣте съи хрⷭ҇толюбивыи цр҃ь · ꙇѡ҃ · алеѯандрь · и иꙁложивъ прѣписа иꙁь еллиньскⷯы словесь, вь нашѫ словѣнскѫѧ слогнѫ, и въ ꙗвление положи · сего иꙁь вьнѹꙁлатыми дьсками покова, и вь нѧтръѧдѹ, животворными ѡбраꙁы влчⷣными, и того славныхъ ѹченикъ · шары свѣтлыми и ꙁлатомъ · живописцы, хѫдожнѣ ѹкрасивь · на ꙋтвръждение своемѹ црⷭ҇твѹ · ꙗкоже и великыивь ст҃хъ кѡнстандинь цр҃ь сь мт҃риѫ еленоѫ, иꙁнесъ иꙁбѹкѹ ꙁемною животворивыи кръстъ гн҃ь, си́це и с̏ъ, сего четворобл҃говѣстника ։ Съдръжѫщѹ тогда ски́птра блъгарскаго, и гръчьскаго црⷭ҇тва · съ благовѣрноѫ и бг҃овѣнчанноѫ и новопросвⷳ҇ѣноѫ цр҃цеѫ своеѧ кира ѳеоⷣроѫ · тьꙁоиметноѫ бж҃иѥмѹ дарѹ · и сь присныимъ и прѣвьꙁлюбленымь сн҃омь своимъ ꙇѡ҃а́номъ шишманомь цр҃емъ ։ вь славѫ творцѹ всⷯѣ, и того бл҃говѣстьникѡⷨ҇ · матѳе́ю · ма́ркѹ · лѹцѣ · и ꙇѡ҃а́нѹ · ихже молитвами · побѣдѫда прїимⷮе ѿ б҃а, на врагы ратѹѫщихъ того · и главыихъ ськрꙋшⷮ҇и поⷣ ноꙃѣ своꙵ҇, амиⷩ҇ · Лѣтѹ текѫщѹ, ѕ҃ ѡ҃ ѯ҃д · и҆ндꙇ҆кта ѳ҃ ։~ + рабже гн҃амоего цр҃ѣ, писавыи сиѫ кни́гѫ, сїмѫнъ мнⷯи нарицаетсѧ ։~