Търновски (Лаврентиев) сборник

Влѣ(т) ꙅ҃ ѡ҃ и҃ꙅ · ендїктѡ · а҃ · писасѧ сиꙗ книга дш҃еполеꙁнаа · бл҃говѣрномѹ и хрїстолюбивомо прѣвысѡкомѹ и самодръжавномѹ цр҃ю блъгарѡмъ и гръкѡмъ іѡанꙋ алеѯандѹ · въ живѡтъ ивъ ꙁ(д)равие ивъ ѹтвръждение цр(с)твѹ еговѹ и дѣтемъ его · и всѣкомѹ хрїстїанинѹ въ полꙃѫ · иже съ вѣроѫ и любовиѫ прочитаѫщомѹ · въсѧ бѡ книгы бж(с)твныѧ, по(д)бны сѫтъ источникѡмъ чисты(х) водъ · и всѣ къ пристѫпаѫ и ꙋсръднѡ, напаетсѧ живѡтныхъ водъ ведѫщѫ въ живѡтъ вѣчныи · тѣмже чьтѫщеи и полꙁꙋ(или ѧ)ѫщеисѧ, въꙁдаваите дльжноечто · сирѣчь молбы и моленїа о выше реченѣмъ благовѣрнѣмъ цр҃и · даивыспо(д)битесѧмъꙁдѣ · ѿдаѫщаго молитвѫ молѧщимсѧ и бл(с)вѧща лѣта праведныхъ, аминъ трѹдъ жеи болѣꙁнь лаврентїа многогрѣшнаго тахасщ҃енноинока

О писменехь чрънори́ꙁца хра́бра Прѣжде ѹбѡ словѣне не имѣхѫ книгъ · нѫ чрътами и рѣꙁами чьтѣхѫ и гатаахѫ погани сѫще · кръстившеже сѧ, ри́м꙽сками и гръчьскыми писмены, нѫждаахасѧ словѣн꙽скы рѣчь беꙁь ѹстроениа · нѫ како мо́жеть сѧ писати добрѣ гръчьскыми писмены · б҃ъ · или живѡ̀тъ · или ꙃѣлѡ · или цр҃ковь · или чаание · или ширѡта · или ꙗдь · или ѫдѹ · или юность · или ѫꙁыкъ · и и́наа поⷣбнаа симь · и тако бѣшѫ многа лѣта · потомже чл҃колюбецъ б҃ъ строѫивсѣ · и не ѡставлѣѫ чл҃ча рода беꙁь раꙁѹма · нѫ в꙽сѧкъ раꙁѹмѹ приводѧ и сп҃сению · по миловавь родъ чл҃чь · посла̀ имь ст҃го кѡстанти́на фило́софа нарицаемого ки́рила · мѫжа праведна и и́стинна ·· и сътвори и́мъ, л҃ · писмена и о́смь · ѡва ꙋбѡ починѹ гръчьскыхь пи́сменъ · ѡ҆́важе по словѣн꙽стѣи рѣчи · ѿ пръвагоже наченъ по гръчьскѹ · ѡни ѹбо алфа · асъ̏,аꙁь · ѿ аꙁа начѧть ѡ҆́бое · и ꙗкоже ѡнѝ подобльшесѧ жидовьскымь писменемь сътво́ришѫ,тако и съ̏ гръчьскымъ · жидове бѡ пръвое пи́смѧ имѧть алефь · ежесѧ скаꙁаеть ѹчинение съвръшаѫще · въ водимѹ дѣтищѹ и гл҃ѧще ꙋчисѧ · еже есть алефь · и гръци подобѧщесѧ томѹ алфа рѣшѫ · исподобисѧ речение скаꙁаниа жидовьска гръчьскꙋ ѫꙁыкѹ · да речеть дѣтищѹвь ѹчениа мѣсто ищи алфа · боишисѧ речеть гръчьскомь ѫꙁыкомъ · тѣм҆бо поⷣбѧсѧ ст҃ыи ки́рилъ створи пръвое писмѧ, аꙁь · нѫ ꙗко и пръвомѹ сѫщѹ писмени аꙁь · и ѿ б҃а данѹ родѹ словѣнсꙿкомѹ на ѿвръстие ѹ҆́стъ · въ раꙁѹмъ ѹчѧщимсѧ бꙋквамъ · великомь раꙁдвижениемь ѹ҆́стъ въꙁꙿгласитсѧ · а ѡ҆на̀ пи́смена ма́ломъ раꙁвⷣижениемь ѹ҆́стъ въꙁгласѧтсѧ и исповѣдаѫтсѧ · сеже сѫть писмена словѣньскаа · сицеа поⷣбаеть писати и гл҃ати · а҃ б҃ в҃ г҃ · дрѹꙃи иже гл҃ѧть по́что есть, л҃и · писменъ ство́рилъ · а мо́жетьсѧ именꙿшимь того писати ꙗкоже и гръци · к҃д, пи́шѫть · и невѣдѧть ко лицѣмь пишѫть гръ́ци · есть бо ꙋбѡ, к҃д · пи́сменъ · нѫ не наплънѣѫтꙿсѧ тѣми кни́гы · нѫ приложили сѫтъ двогласныхь, а҃ꙇ · и въ чисменехже, г҃ ѕ҃ е҃ · и ѳ҃ десѧтное · и ѳ҃ сътное · и събираѫтсѧ и́хь, л҃и · тѣмже потомѹ поⷣбно · и въ тьжⷣе ѡ҆́браꙁъ ство́ри ст҃ыи ки́рилъ, л҃и · писменъ · дрѹꙃи иже гл҃ѧть чесомѹ же сѫть словѣнꙿскы кни́гы · ни того бо есть б҃ъ ство́рилъ · нито агг҃ли · ни сѫть и жⷣеко́нни · ꙗко жидовьскы и ри́м꙽скы и е҆́ллин꙽скы · иждеѿко́насѫть · и приѫты сѫⷮ б҃мъ · а дрѹꙃиимнѧть ꙗко б҃ъ намъ есть створилъ пи́смена · и не вѣдѧтсѧ что гл҃ѧще ѡкааннии · и ꙗко трими ѫꙁыкы есть б҃ъ повелѣлъ кни́гамъ быти · ꙗкоже въ е҆ѵⷢ҇ли пишеть · и бѣдъска напи́сана жидовьскы и ри́м꙽скы и е҆́ллин꙽скы · а словѣн꙽скы нⷭ҇ѣтѹ̏ · тѣмже нѣ сѫть словѣн꙽скыѫ кни́гы ѿ б҃а · къ тѣмь что гл҃емь · или что реⷱ҇мь къ тацѣмь беꙁѹмиемь · ѡ҆́баче речемъ ѿ ст҃хь книѓъ ꙗкоже наꙋчихѡмсѧ · ꙗко в҆сѣ по рѧдѹ бываѫть ѿ б҃а · а не иногдоѫ · нѣсть бо б҃ъ створилъ жидовьска ѫꙁыка прѣжⷣе · ни ри́м꙽ска · ни е҆́ллиньска · нѫ си́р꙽скы · имже и ада́мъ г҃ла · и ѿ ада́ма до потопа · и ѿ потопа до ндеже б҃ъ раꙁдѣли ѫꙁыкы пристль по творенїи ꙗкоже пишеть · раꙁмѣшеномже бывшемь ѫꙁыкѡмъ · и ꙗкоже сѧ ѫꙁыци раꙁмѣсишѫ, тако и нрави и обычае и ѹстави · и ꙁакони · и хытрости, на ѫꙁыкы · египтѣнѡмже ꙁемⷧ҇емѣрение · а пе́р꙽сѡмъ и халдѐѡмъ и асирѐѡмъ, ꙃвѣꙁдочьтение · вльшвение · врачевание · чарованиа · и всѣ хытрость чл҃ча · жидовомже ст҃ыѫ кни́гы · вь нихже есть писано · ꙗко б҃ъ нб҃о створи и ꙁемлѧ · и всѣ ꙗже на неи · и чл҃ка · и всѣ порѧдѹ ꙗкоже пи́шеть · е҆́ллинѡмъ граматикиѧ · ритотикиѧ · философиѫ · нѫ прѣжⷣе сего е҆́ллинине имѣхѫ свои҆мъ ѫꙁыкомь писмен꙽ · нѫ финичьскыми пис́мены писахѫ своѫси рѣчь · и тако бѣшѫ многа лѣта · панамидьже послѣждепришедъ · наченъ ѿ алфы и ви́ты, ѕ҃ꙇ · пи́сменъ тъкмо е҆́ллинѡмъ ѡ҆брѣте · прѣложиже имъ кадьмъ милисїи писмена, г҃ · тѣмѫе многа лѣта, ѳ҃ꙇ · писмены писаахѫ · и потомъ симони́дъ ѡ҆брѣтъ приложи двѣ пи́смени · епихарїиже скаꙁатель, г҃ · пи́смена ѡ҆брѣте · и събрасѧ ихъ, к҃д · по мноꙃѣхже лѣтѣхь дионисъ граматикъ, ѕ҃ · двогласныхь ѡ҆брѣте · по томже дрѹгыи, е҃ · и дрѹгыи г҃ · чисменитаа · и тако мноꙃи многыми лѣты · едва събрашѫ, л҃и · писменъ · потомже многомъ лѣтѡмъ минѫвшемъ · бж҃иемъ повелѣниемъ ѡ҆брѣтесѧ, о҃ · мѫжъ · иже прѣложишѫ ѿ жидовъскаа на гръчьскыи ѫꙁыкъ · а словѣн꙽скыѫ кни́гы · еди́нъ ст҃ыи кѡстанти́нъ нарицаемыи кир́илъ · и пи́смена ство́ри и кни́гы прѣложивъ малѣхъ лѣтѣхь · а ѡ҆ни мноꙃи многы лѣты · ꙁ҃ · и́хъ писмена ѹстроꙵ҇ · а҆ о҃ · прѣложение · тѣмже словѣн꙽скаа пис́мена, ст҃ѣиши сѫⷮ и чьстнѣи҆ша · ст҃ь бѡ мѫжъ створилъ ꙗ ѥⷭ҇ · а гръчьскаа е҆́ллини погани · аще ли кто речеть ꙗко нⷭ҇ѣ ѹстроилъ добрѣ · понеже сѧ постраꙗѫть и еще · ѿвѣтъ речемь си́мь · и гръчьскы такожⷣе · многажди сѫть постраꙗли · а ки́лла и симмахъ · и потомъ и н́им ноꙃи · ѹдобѣⷷ бо есть послѣ жⷣе потворити неже пръвое створ́ити · а ще бо въпро́сиши книгъ чиѧ гръчьскыѧ гл҃ѧ · кто вы есть писмена створилъ · или книѓы прѣложилъ · или вь кое врѣмѧ, то рѣд꙽цїи ѿ нихь вѣдѧть · а ще ли въпро́сиши словѣн꙽скыѧ бѹкарѧ г҃лѧ · кто вы писмена створилъ есть · или книгы прѣложилъ, то вьси вѣдѧть · и ѿвѣщавше рекѫть · ст҃ыи кѡстанти́нъ философъ нарицаемыи ки́рълъ · тъ̏ намь пис́мена створ́и и кни́гы прѣложи · и меѳодие братъ его · и аще въпро́сиши въ кое врѣмѧ, то вѣдѧть и рекѫть · ꙗко въ врѣмена михаи́ла цр҃ѣ гръчьскаго · и бориса кнѧꙃа блъгар꙽скаго · и растица кнѧꙃа мор꙽ска · и коцелѣ кнѧꙃа блатен꙽ска · въ лѣтаже ѿ съꙁданиа въсего мира, ѕ҃ т҃ ѯ҃г · сѫть же и и́ни ѿвѣти · ѧ҆же и инде речемъ · а нинѣ нѣстъ врѣмѧ · такъ раꙁѹмъ братие б҃ъ есть далъ словѣнѡмъ · емѹ же слава и чьсть и дръжава и покланѣние · нинѣ и присно · и въ бесконечны ѧ вѣкы, ами́н꙽ :—